Үнгэрһэн амаралтын үдэрнүүдтэ хэлэшэгүй дулаахан уулзалга хотын депутадуудай Соведэй депутат Вадим Бреднийн туһаламжаар үнгэрөө

Посольск нютаг ветерануудые намарай дулаахан наратай үдэроор угтан абаа. Ветеранууд эрэшүүлэй һүмын байра байдал шэртэн хараа, Байгал далайн эрьеэр сэбэр агаараар амилаа, Кабанскын аймагай үзэсхэлэнтэ һайхан байгаалитай танилсаа. Посольск нютагай түүхэ Спасо-Преображениин һүмэтэй дүтээр холбоотой. 1728 онһоо 1839 он болотор гүрэнэй һал ажалладаг байгаа. Тэрэнэй аргаар Байгалай баруун эрьеэтэй холбоо барижа, почто зөөдэг һэн. Посольск нютагаар наймаашад, купецууд гаража, эд бараагаа пристань дээрэ оруулдаг байгаа. Энэ нютаг загаһа барилгада аргагүй ехэ нэмэри оруулдаг байһан. 19-дэхи зуун жэлэй һүүл багта Вассермантанай аха дүү наймаашад загаһанай фабрика нээһэн түүхэтэй. Фабрикын оборудовани аяар холын Германиһаа асарһан гэлсэдэг. Тэндэнь омолиин ба улаан загаһанай консервэ хэжэ, Россиин бусад можо хизарнуудаар наймаанда ябуулагдадаг байгаа.

Эрэшүүлэй һүмэ 1682 ондо байгуулагдаһан түүхэтэй. Забайкалиин эгээн хуушанай хүшөөнүүдэй нэгэ юм. Россиин арадуудай соёлой хүшөө гээшэ. Гүрэнэй хамгаалга доро оронхой. Депутат Вадим Витальевич Бреднийн хүсөөр ветеранууд эндэ тэндэ аяншалга хэхэ, сэбэр агаараар амилхаяа Байгал далайн эрьеэр ябаха, мүн соёлой болон тамирай хэмжээ ябуулгануудта заатагүй харадаг, хабаададаг юм.