Энээнһээ хойшо аляа хон­гор амархан хаһатаяа хаха­сахамни гэжэ жагсаалда зогсоһон Намсарай ойлгоногүй. Урдань бо­ложо байгаа бүхы үйлэ ябадалые наадан мэтээр тэрэ мэдэрнэ. Нара­най игаабариһаа халхалта болгон, нюдөө аршаад абана, тиихэ зуураа нюһаашье шорд байса татажархи­на. Илгаагүй адлинууд хажуудахи үетэн үхибүүдынь - Улаан-Үдын 29-дэхи гимназиин 1-дэхи ангиин һурагшад.

Гэртэхиниинь үхибүүдһээ үлүү урматайнууд углуу булангаар түрисэлдэнэ. Тэдэнэй һургуулида бэлэдхэл эрхилһээр бүхэли зун үнгэршөө. Тааруу хубсаһа ху­нар оёхо, һуралсалай тусхай дэб- тэрнүүдые бэдэрхэ гэхэ мэтэһээ эхилээд, жэжэ-бужа хэрэгүүд яаша­хаб даа...

Сэсэрлигэй гуламтаһаа һаяхан таһарһан багашуулда эрдэм ном заахада бэлэн бэшэ. Харюусалга­тай иимэ үүргэ Туяна Юрьевна Да­шибалдановада, Лариса Сергеевна Ринчиновада, Цыбигма Жаргаловна Баниевада даалгагданхай.

Һургуулияа түгэсхэгшэдэй хүтэлбэри доро 1-дэхи ангиин һурагшадай зогсоһониинь баһал далда удхатай. Эрьеэд һэлгэгдэжэ байдаг оршон дэлхэйн жама ёһын тэмдэг мүн.

Наратай сэлмэг үдэр тудажа, сентябриин 1 үнэхөөрөө һайндэр болобо. Энээн тухай гимназиин директор Баир Кимович Шира­повшье үгэ абахадаа тэмдэглэбэ. Эрдэм мэдэсын далайда хүрэһэн эдирхэн хүүгэдэй саашанхи замынь баһал һаруул байһай, гүрэн түрэдөө туһатай хүнүүд болоһой, дулгааха «Буряад Унэн».