Буряад Уласай Засагай газарай Түрүүлэгшын орлогшо – хүдөө ажахын болон эдеэ хоолой сайд Даба-Жалсан Чириповэй хүтэлбэри доро хабарай тарилгын хаһада бэлдхэл хэр ябуулагданаб гэһэн асуудалаар зүблөөн үнгэрһэн байна.
Байгша ондо уласай бүхы ажахынуудта таряа тарилгын талмай 144,4 мянган гектар болоно, 35 мянган га газарта паар хахалагданхай. Хабарай тарилгын бүхы ажалда 518,3 сая түхэриг хэрэгтэй.
Ногоо ургуулгын һалбарида 2018 ондо 168,5 сая түхэригэй гүрэнэй тэдхэмжэ хараалагданхай. Тиихэдэ тариха тариха хүрэнгын шанар дээшэлүүлхэ, худалдан абаха хэрэгтэ 32,1 сая түхэриг һомолхоор түсэблэгдэнхэй. Мүнөө дээрэ хүдөө ажахынууд хэрэгтэй хүрэнгээр 83 хубяар хангагданхай, тэрэнэй дутагдал хүрэнгэ үйлэдбэриин ажахынуудһаа абтаха юм.
Хабарай тарилгын ажалнуудта 1297 трактор,324 сеялкэ хэрэглэгдэхэ. Тиимэһээ хүдөө ажахын техникэ хабарай хаһада заһабарилха, бэлэдхэхэ талаар ажалнууд ябуулагдана.
Хүдөө ажахы эрхилэгшэдтэ дэмжэлгэ үзүүлжэ, тракторнуудые заһабарилха хэрэгсэлнүүдые худалдан абалгада тэдхэмжэ түлэгдэхэ.
