Алексей Цыденов өөрынгөө олониитын хуудаһан дээрэ Россиин эгээл эртэ үнинэй ба хүндэтэй дасан ороһоноо хубаалдаба.
- Манай Эгитын дасан Россиин буддын шажанай гол эрдэни зүйлэ – Зандан Жуу гээшые хадаглажа байдаг. Агар зандан модоной Будда бурханай миин дүрсэ бэшэ, харин бүхэдэлхэйн залгамжалга. 2500 жэлэй саана тэрэ бурхан бүтөөгдэһэн гэжэ түүхэтэй, тиихэдэ Будда Шакьямуни бурхан багшын үеын дүрсэ гэжэ тоологдодог.
Дасанай ойн баярые тэмдэглэхэдэ, онсо утханууд ехэ олон байха гэжэ Буряадай толгойлогшо тэмдэглэбэ.
- Һайндэртэ гансал соел уралигай хэмжээ ябуулганууд бэшэ, харин буддын шажанай уулзалганууд, магтаалнуудай мүрысөөнгүүд, хизаар шэнжэлэлгын конференцинууд үнгэргэгдэхэ, - гэжэ Цыденов хэлэбэ.
«БАЙКАЛ ДЕЙЛИ»-гэй дуулгаһаар, толгойлогшо хоёр үдэрэй туршада Яруунын аймагаар ажалаараа ябаба.
Мэдээсэл:
Эгэтын дасан («Дамчой Равжелинг») – Буряад Уласта байдаг буддын шажанай дасан болоно. Улаан-Үдэ хотоһоо 250 модо байршалдаг, Яруунын аймагта, Эгэтын адаг нютагта, Хара-Шэбэр голой баруун эрьеэдэ байдаг болоно.
1820 ондо ажаһуугшадай үүсхэлээр энэ дасан байгуулагдаһан болоно. 1826 ондо албан ёһоор Анаагай дасанай һалбари гэжэ тоологдодог болонхой.
1937 он болотор Эгэтын дасан буддын шажанай гол дасан байгаа һэн. Эндэ Цам заншалта ёһолол үнгэргэгдэдэг байгаа.
Зандан Жуу дүрсые буддын шажанай бүлгэмдэ бусаахада, 1991 ондо һэргэлтэ эхилээ.
2008 ондо шэнэлэгдэһэн дасанай нээлтэ үргэнөөр үнгэргэгдэбэ.
6 наһанһаа үндэр уншагшадта (возрастное ограничение 6+)
6 наһанһаа үндэр уншагшадта (возрастное ограничение 6+)
