Шэнэлэгдэһэн «Хори-парк» ноябриин 26-да Хоринск һууринда нээгдээ. Түрүүн хадаа энэ түсэл хотын ажабайдал үргэхэ зорилготой бүхэроссиин гурбадахи тэмсээнэй илагша боложо, 100 сая түхэриг абаба.
- Бултание энэ томо түсэлэй нээлтээр амаршалнаб. Энэ түсэл хадаа та өөһэдөө шэлэһэн байнат, эндэ бултадаа ерэжэ юумэ зохёожо, сугларжа, уулзажа байха аргатайт. Аймагай бүлгэм, ажаһуугшад - та бултадаа энэ хэрэг бүтээбэ ха юм та. Мүрысөөндэ бүхы Росси хабаадалсана, харин булта илажа шадахагүй. Нэн түрүүн, Владимир Путин иимэ түсэлнүүдые ябуулхаяа шиидээ. Юрэнхылэгшэ хадаа боломжонуудые үгэнэ. Харин тэдэниие хэрэглэхэ зон - ажаһуугшад болоно. Та эдэ бүхэниие бүтээһэн болонот,- гэжэ Буряадай толгойлогшо Алексей Цыденов тэмдэглэбэ.
Һайшалагдахын талаар иимэ юумэ бүтээгдэһэн болоно:
- үһээгүй, нээлтэтэй тайзан, фестивальнуудай талмай;
- «Дева Лебедь» (Хун шубуун басаган) гэһэн дүүжэнтэй талмай;
- һуур харбаха газар - мэргэжэлтэ тамиршадай бэлдэхэ аргатай талмай;
- хүүгэдэй наадаха талмай.
Теэд сэсэрлигэй газарта айлшадые угтаха газар ба «Добродом» гэһэн һайн дуралтан ажалшадай хүдэлхэ байшан ба 11 хори буряадуудай угай беседкэнүүд табигданхай.
- Бидэ сэсэрлигэй нээлтые хүлеэжэ ядаабди, хурдан сэсэрлигые хараха, алхалжа ябахаяа һананабди. Эндэ манай нютагаархид, үхибүүднай амарха аргатай. Манай һайндэрнүүд энэ сагһаа хойшо үшөө хүхюүтэй, гое, аятай үнгэрхэ юм. Үнэхөөр һайндаа гэжэ хэлэхэ байнаб,- гэжэ Хоринск нютагай ажаһуугша Наталья Цыренжапова хубаалсана.
«Формирование комфортной городской среды» гэһэн гүрэнэй түсэлэй аргаар энэ сэсэрлигэй барилга бүтээгдэбэ. Тэрэ хадаа «Инфраструктура для жизни» гэжэ Россин юрэнхылэгшэ Владимир Путинэй үүсхэлээр ябуулагдаһан үндэһэн түсэл соо ороно юм.
