Республикын эгээл шухала түсэлнүүдэй нэгэн бүтээгдэбэ - Наушки станци дээрэхи ашаанай терминал. Тэрээн тухай Буряадай толгойлогшо Алексей Цыденов дуулгаба.
- Наушки хадаа Росси гүрэн ба Монгол орон хоерой дунда ганса түмэр замаар гараха арга болоно. Тэрэ хадаа Росси - Монгол - Хитад гүрэнүүдэй харилсаанда онсо удхатай, сэнтэй болоно юм, - гэжэ толгойлогшо тэмдэглэбэ.
Шэнэлэгдэһэн терминал гаалиин шалгалта дэрэ ашаанай вагонуудые хоёр дахин олоор гаргаха боломжотой болоно - 12 вагон болотор. Тэрэ хадаа поезднуудай ябалгыень хурдан болгохо зорилготой.
Үшөө тиихэдэ түмэр замайхид контейнернуудай талмай томо болгобо, мүн крануудай харгы шэнэлээ баһа.
- Энэ Наушки станцин ашаанай терминалай шэнэлгэмнай хадаа ажалай шанарыень үндэр болгохо олон аргануудые үгэнэ. Тэрэ хадаа России Монгол хоёрой харилсаанай дунда шухала удхатай юм, - гэжэ Алексей Цыденов дүнгэлбэ.
Наушки гэhэн түмэр замай буудал хадаа мүнөө дээрэ Росси гүрэнэй уласхоорондын ашаа харилсаанай 80% хубииень гаргана. Мүн тиихэдэ аяншалагшадшье олоор ябана тэндэ. Федеральна шата дээрэ гүрэнэй баруушаа хүгжэхэ зорилгодо Наушкида гол үүргэ үгтэнэ гэхэдэ буруу болохогүй. Мэргэжэлтэдэй тоолоһоор, 2030 ондо Наушки буудалаар ашаанай тоо 20 сая тонна болотор нэмэгдэхэ юм.
