Улаан-Үдэ хотодо Ородой Холбоото Уласай Засагай газарай Түрүүлэгшын орлогшо - Алас Дурнын тойрогто Ородой Холбоото Уласай Юрэнхылэгшын бүрин эрхэтэ түлөөлэгшэ Юрий Трутнев 2024 оной ниигэм-бизнесэй «Алас Дурнын Одон», «Илалтын гектар» гэһэн таһаг соохи шагнал Михаил Андреевскийдэ барюулба. «Илалтын гектар» таһаг соо «Алас Дурнын гектар» программа соо оролсожо, СВО-до дэмжэлгэ хэһэн эдэбхитэй түсэлнүүд урмашуулагдадаг.
Прибайкалиин аймагай ажаһуугша Михаил Андреевский «Гектар» программаар өөрынгоо аймаг соо 7 хахад гектар талмайтай хоёр газар абаһан байна. Тэрэ газар дээрэ Михаил Павел дүү хүбүүтэйгээ хамта компакт-стенд, түхэреэн стенд, арбаледээр буудаха талмайнуудые мүн пейнтболой талмай бариба. Ажаһуудаг һууринһаа табан модо зайтай газартань харгы татагдаһан, хашаанууд баригдаһан. Түсэбүүд соонь – гэрэл татажа, дүүрэн түхеэрэлгэтэй инфраструктура байгуулжа, энэ түсэл мүнөө үеын шэнэ түхэлэй мэргэжэлтэ буудалгын полигон болотор хүгжөөхэ. Энэ буудалгын полигон СВО-до ошохоо бэлдэжэ байһан һайн дуралтанай үндэр эрилтэтэй бэлдэлгын газар болохо аргатай.
— Бидэ энэ түсэл СВО-до ябахаа байһан, манай аймагай болон республикын бусад газарнуудһаа ерэһэн залуушуулда зорюулжа бэелүүлээбди – түлбэригүй бэлдэлгэ хэхэ аргануудые оруулаабди. Түсэлэй бодолгото һанамжа ахадамни ерээ. Бүхы гэр бүлэмнай дэмжэлгэ гаргаһан байна. Бидэ энэ талмайе байгуулжа, хүгжөөжэ байхабди. Мүнөө баня, амаралтын талмай, беседкэнүүдые барижа байнабди. Шагнуулһанамнай бидэндэ урагшаа ябаха үшөө ехэ зорилго үгэнэ, – гэжэ Михаил Андреевский хэлэбэ.
Буряад Улас энэ программа ябуулгаһанай һүүлээр 7-дохи һуурида гарана, харин 2025 ондо 5-дахи һуурида байна юм.
