Улаан-Үдэ хотодо Үндэһэн музейн шэнэ байшан бэлдэгдэжэ байна. Доторонь үхибүүдэй түб, зунай талмай, үзэсхэлэнгүүдэй газар, арһа, торго бүд, хэрэгсэлнүүдые хадаглаха газар, бүтээлнүүдые шэнэлхэ үрөөнүүд, хомор номуудай сан гэхэ мэтэ олон салбаринууд бии болохо.
Хажуугаарнь машина табиха газар, амаралтын талмайнуудые ба сэбэр агаарта амфитеатр неэгдэхэ.
Мүнөө хадаа Үндэһэн музейн шэнэ байшан 60 хубяар бэлэн болоод байна. Барилгын һонинуудаар һаяхана республикын толгойлогшо хубаалсаһан һэн. Музейн фото болон видеонуудые Алексей Цыденов өөрынгөө телеграм-субаг соо гаргаһан байна.
- Байшан хадаа Улаан-Үдэ хотын шэнэлэгдэхэ түсэбүүд соо ороһон байна. Тэрэниие хадаа юрэнхылэгшэ Владимир Путин зүблэһэн болоно. Энэ жэлэй дууһатар байшан бэлэн болохо ёһотой, - гэжэ Алексей Цыденов хэлэбэ.
«Музейнэ-үзэсхэлэнтэ уран һайханай комбинат» гэһэн байгуулга ажалда уригдаһан байна.
- Мүнөө хадаа тэрэ байгуулга музейнэ технологинуудаар ба дизайнаар ажалладаг Россиин эгээл түрүү байгуулгануудай тоо соо ороно. Энэ долоо хоног соо музейн онсо зүйлэнүүдые хараа, үзэсхэлэнтэ залнуудай заһабарилгын арганууд тухай хөөрэлдөө,- гэжэ республикын толгойлогшо тэмдэглээ. - Нюуса хөөрэхэ байнаб: орохо газартань һонирхолтой колоннанууд харагшадые угтаха. Энэ хадас табан буддын шажанай хүрдэнүүд болоно. Дээрэ дээрэһээ табигдаһан хүрдэнүүдэй дүрбэниинь өөһэдөө эрьелдэжэ байха, табадахииень ерэһэн харагшад эрьюүлхэ юм.
Үндэр байшаниие гэрэлтүүлхэ болоно.
- Гэрэлтүүлхэ аргануудые бодохо байнабди. Байшангай үндэрэнь 20 метр болохо, харин үндэрэнь шэлэн үһээ хүрэхэ юм,- гэжэ толгойлогшо хубаалсаба.
Буряадай Үндэһэн музей соо хадаа ганса нэгэн шэрхэг түбэд шажанта хүнэй Алтан титэм хадаглагдадаг. Иимэ адлиханьше зүйлэ бүхы Росси соо үгы юм. Тэрэ хадаа мүнгөөр бүтээгдэһэн, алтаар хушагдаһан, эрдэни шулуунуудаар гоёогдоһон юм.
- Энэ хадаа Чойжинчи гэжэ буддын шажанта хүнэй хубиин хэрэгсэл болоно. Тэндэнь үшөө хубсаһан, барижа ябаһан хэрэгсэлнүүдэнь байдаг һэн. Тэрэ титэмдэ шэнэ музей соо таараха байра олохобди,- гэжэ Буряадай толгойлогшо найдуулба.
Музей соо хадаа бүхы буряад арадай баян суглуулбариие үзүүлхэ юм. Энэ хадаа М. Н. Хангаловай нэрэмжэтэ түүхын музей соохи республикын арадуудай соелой баялиг, Сампиловай нэрэмжэтэ музей соохи ород ба буряад зураашадай зурагуудые, байгаалиин музей солхи палеонтологиин, зоологиин, геологиин, ботаникын суглуулбаринуудые харуулха байна.
Музейн барилга 2024 оной февраль һара соо уһанай эрьедэ эхилһэн байна.
