Эхэнүүдые дэмжэхэ талаар ажал гүрэнэй талаар ехэ ябуулагдана. Нэгэ удаагай мүнгэн туһаламжанууд, гэр абахада үнэгүй зээлинүүд, эхын капитал гэхэ мэтэ арганууд бии гэжэ бидэ үдэр бүри дуулнабди. Харин хэзээ эхэ болохоб гэһэн асуудал тухай бусад эхэнэрнүүдые шагнахада шухала.
- Би түрүүшэнхиеэ 23 наһатайдаа эжы болооб. Басагатай болоһоноо хойшо минии ажамидарал тад ондоо болошоо. Теэд хоердохиёо 32 наһатайдаа эжы болооб - тэрэ хадаа түрүүшэнхиеэдли бэшэ юм. Басагаяа гаргаһанай һүүлээр бэеэмни түргөөр эдэгээ, үримни номгон байгаа, - гэжэ Ольга Андреева, олон үхибүүдэй эжы хөөрэнэ.
Эртэ эжы болохын һайн тухай эрүүл мэндэшье зүбшөөнэ. Эмшэнэрэй һанамжаар, эжы болоходо һайн наһан - 18-һаа 25 наһан болотор. Тэрэ хугасаа соо үбшэн юумэн үсөөн мүн гормональна байдал тогтууритай. Акушер-гинеколог эмшэн, Улаан-Үдэ хотын 3-хи эхэнэрнүүдэй эмшэлгын газарай албан захирагша Марина Балданова:
«Бүхэдэлхэйн элүүр мэндын байгуулгын дүнгүүдээр, эхэнэрнүүдэй эгээл һайн жэрмэһэн болохо наһан - 19-һээ 35 болотор. Залуу эхэнэрэй бэе үхибүү түрэхэ бэлэн байна. Залуу эхэнэр хадаа үшөө элдэбын үбшэнтэй тааралдаагүй ябана, тиимэһээ хүнгөөр үхибүүгээ даажа абаха болоно. Тиимэһээ һайн элүүр мэндэтэй үхибүү түрэхэ аргатай. Бидэнэй жэлһээ жэл бүри хүгшэн болоходо, бэемнай хүгшэрнэ, үбэшэндэ даагдана»
Гүрэн хадаа залуу эхэнэрнүүдтэ иигэжэ ойлгуулна - эхилээд, үхибүү түрэхэ, һүүлээрнь болбосорлтой болохо, ажалда гараха. «Мүнөөнэй байдал ондоо болохо ёһотой. Иимэ бодолтой юм - эртэ түрэһэн эхэнэрнүүдтэ беэдэншье, үхибүүдтэшье һайн байха», - тиигэжэ яаманай захирал Михаил Мурашко тэмдэглэнэ.
