«Байкал-Daily»-гэй дуулгаhанаар, Москва хотодо апрелиин 2-то Оросой Холбоото Уласай юрэнхылэгшэтэй уулзалгын туршада Алексей Цыденов республикын хүгжөөлтын хэмжээнүүд тухай, зорилгонууд, түсэбүүд тухай хөөрэhэн байна. Буряадай толгойлогшо тиихэдэ үндэhэн проектнуудай ба инвестиционно түсэлнүүдэй дүнгүдые түлөөлөө. Мүн тиихэдэ Алексей Цыденов СВО-гой сэрэгүүдтэ ба ветерануудта туhалха арганууд тухай баhа хөөрөө.
Ниигэмэй талаар хадаа, болбосоролой байшангуудай барилгын ба заhабарилгын тухай хадаа, Буряад Уласта үндэhэн проектнуудай ба юрэнхылэгшын сэхэ даабаринуудаар 46 шэнэ хүүгэдэй сэсэрлигүүд ба 41 шэнэ hургуулинууд баригдаа. «Болбосорол» гэhэн түсэлээр 150 hургуулинууд ба 18 хүүгэдэй сэсэрлигүүд заhабарилгада ороо. Республикада гурбадахи таhагаар hураха байдал үгы болоо. Мүн тиихэдэ сэсэрлигүүд руу орохо зон үсөөн болоо. «Бидэ демографиин үндэр боложо байха бүхы эрилтэнүүдые бүтээгээбди»,- гэжэ Буряадай толгойлогшо хөөрэбэ.
Тиин Алексей Цыденов гүрэнэй юрэнхылэгшэдэ Улаан-Yдэ хотодо баригдаhан 150 оротой Алас Дурнын эгээл томо «Нарата» пансионат тухай хөөрэжэ үгөө. «Энэ хадаа hайн аяншалагшадын буудал шэнги, үнэхөөр, Росси гүрэн соо тиимэ жэшээ үгы юм»,- гэжэ Буряадай толгойлогшо мэдүүлээ.
«Нарата» гэhэн наhатай ба эрэмдэг бэетэй зоной түб Улаан-Yдэ хотодо 2023 оной сентябрь hарада нээгдээ. «Демография» гэhэн үндэhэн проектээр 1,5 миллиард түхэриг гаргагдаа юм. Мүнөө хадаа тэндэ 155 хүн ажаhууна. Тэдэ бүхы туhаламжануудта хүртэнэ.
Юун тухай хөөрэлдэнэб?
Һаяхана Буряад Уласай ажаhуугшад «Манай Буряад» гэhэн стратегическа сесси дээрэ республика соохи демографи үргэхэ тухай hанамжануудаараа хубаалсаба. Жэшээлхэдэ, Тамара Банщикова, 18 үхибүүдэй эжы, иигэжэ hанана: «Хүн бүхэнhөө бүхы юумэн дулдыдана юм. Хэрбээ хүн олон үхибүүдтэй байхаяа hанаа hаа, ехэ гэр бүлэтэй болохол. Жэшээнь хадаа, залуушуул олоор үхибүүдые түрэхэеэ мэндэнэгүй, ажалдаа гарахаяа оролдоно. Би өөрынгөө үхибүүдтэ түрүүн үхибүүдтэй бологты, hүүлээрнь ажалдаа гарахат гэжэ ойлгуулнаб».
Татьяна Банщикова хадаа өөрынгөө жэшээ дээрэ харуулна - эдэбхитэй олзын хэрэг ябуулагшашье эжышье байжа болохоор юм.
Мэдээжэ мэргэжэлтэдшье өөрынгөө hанамжануудаараа баhа хубаалсаа юм. Тэдэнэй hанамжаар гэр бүлэ ехэ шухала болоно.
- Би хадаа гэр бүлын шухала удха гээшые эгээл гүнзэгы гэжэ hананаб. Тэрэ хадаа манай гүрэниие дээшэнь үргэхэ арга, ямаршье бэрхэшээлнүүдые дабажа шадахабди. Тэрээниие ойлгоод, грантнуудые бэшэжэ эхилээб, уласай, гүрэнэйшье шатада иладаг болооб. Эндэ хадаа манай ниигэмэй талаар яаманда ехэ hайниие хүргэхэ байнаб. Юундэб гэхэдэ, хүндэ байдалда ороhон гэр бүлэнүүдтэй ажаллаха асуудал минии hанааемни ехэ зобоодог байгаа.
Мүнөө хадаа минии hанамжа ехэ ондоо болоо, зарим зүйлэнүүдые ондоогоор харанаб. Би ехэ баяртай байнаб энэ уулзалгада, бидэ юу хэжэ шадахабди, юрын зондо адли бодохо хэрэгтэй - юугээр гүрэндөө элүүр мэндэ болохыень туhалха аргатайбди гэжэ хөөрэлдэе. Минии hанахада, тон шухала зон хадаа манай байдалда - наhатай зон болоно. Минии hанамжаар, эдэ зондо бидэнэй анхарал дутана. Заабол мүнгэнэй асуудал бэшэ, харин бултанда ехэ хүндэтэй хандалга хэрэгтэй - дайнай зондо, манай гүрэниие үргэhэн зондо, - гэжэ Татьяна Сенгеева, мэдээжэ психолог хэлэбэ.
Мүнөө хадаа «Нарата» пансионат соо ниигэмэй түсэлнүүд бэелүүлэгдэнэ юм. Yнгэрhэн жэлэй хабар эндэ үдэрэй туршада байха аргатай танхимууд неэгдээ. Танхим хадаа 15 хүндэ зорюулагдаhан, үглөөгүүр эртэ неэгдэдэжэ орой үдэшэ болотор ажаллаха. Хүүгэдэй сэсэрлиг шэнги байдалтай - наhатай али эрэмдэг бэетэй хүниие түрэлхидэнь үглөөгүүр гэр бүлынхидэнь асараад, орой абаашаха гэртээ.
