Буряад Уласта газар газарнуудай лаб зүб нэрэнүүд баталагдаба

Энэ данса тоолбори болобол, нютаг нугануудай, хада уулануудай, гол горхонуудай нэрэнүүдые ёһоорнь баримталжа, гуримшуулан сахихые баадхаха жэшээтэй. Юуб гэхэдэ, элдэб алдуу эндүүнүүд эжэлүүдгүй эндэ ушардаг зандаа. Жэшээнь, таагүй иимэ байдал улад зоной эхын капитал, тэдхэмжэ пенси, янза бүриин хүнгэлэлтэнүүдые бүридхэхэ хэрэгтэнь харша нүлөөгөө үзүүлнэ бшуу.

Кабанскын аймагай ажаһуугшад Байгал-Худара гэжэ нютагтал һуунабди гээд анха эхинһээ тоологшо бэлэй. Гэхэтэй хамта нютаг һомонойнь нэрэ газарай зураг дээрэ миин лэ Худара гэжэ бэшэгдэдэг байна. Иимэрхүү мэтэ ушарнууд үнөөхи тоолбори тобшын баталагдахаһаа хасагдаха зэргэтэй. Засаг зургаанууд, захиргаанай бусад эмхинүүд нютаг нуга, газар уһан тухай мэдээсэлээ гүрэнэй бүридхэлэй, кадастрын ба газарай зурагай албантай заатагүй зэргэсүүлхэ, шалгаха ёһотой болоно.

Баталагдаһан тэрэ данса тоолборидо 12 мянга гаран нэрэ оруулагданхай.

Газар зүйн нэрэнүүд Ородой Холбооной Уласай арадуудай түүхэ соёлой баялиг һэн тула гүрэн түрын харууһанда абтанхай. Тэдэниие хайша хэрэг хазагайруулагшад шанга хэһээлтэдэ орохо гээд Буряадай гүрэнэй бүридхэлэй, кадастрын ба газарай зурагай улас түрын албанай хэблэлэй албан мэдээсэнэ.