Үхибүүтэй болохо үе хадаа ходол жаргалтай байдаг юм. Харин эндэ эжынэрэй наһан, элүүр мэндэнь нүлөөтэй. Хорин таба наһатайдаа гү, али дүшэ гаража гү түрэхэдэ ондоо гэхэдэ буруу бэшэ.
Тиихэдэ түрүүшын үхибүүгээ түрэхэ зүйлэ гүрэнэй зорилго болоно юм. Захиргаанай һанамжаар, аха али эгэшэ үхибүүн хорин дүрбэ наһа хүрөөгүй үедэ бии болохо ёһотой. Иимэ бодолнуудые үшөө үнгэрһэн жэлдэ Россиин засагай газарай түрүүлэгшын орлогшо Татьяна Голикова мэдүүлһэн байна.
Та өөһэдөө бодохо ёһотойт, хайшан гэжэ энэ ажамидаралые би ажаһууха һананаб гээд. Хэрбээ та ямар нэгэ хугасаа соо өөрынгөө түлөө ажаһуухамни гэжэ бодоо һаа, эхэнэр хүнэй түрэхэ боломжонууд богони гэжэ һанаха ёһотойт. Эгээл һайн наһан хадаа 24 болоно. Мүнөө дээрэ России гүрэн соо 26 наһан дундахи гэжэ тоологдоно, - гэжэ залуушуулда Татьяна Голикова хандаба.
Тиихэдэ, Буряадай эмшэнэр баһал зүбшөөлсэнэ. Жэрмэһэн ябахадашье, түрэхэдэшье залуу бэедэ бэлэн байна. Тон шухала тиихэдэ һайн элүүр мэндэтэй, үхибүүдые түрэхэ бэлэн бэе. Улаан-Үдэ хотын эхэнэрнүүдэй нэгэдэхи эмнэлэгын газарай эмшэ Ольга Галсанова тайлбарилна:
«Эгээл ехэ эмэ хүнэй үндэгэн 20 наһанһаа 25 болотор байдаг. 30 наһанһаа хойшо овариальна нөөсэ бага боложо, хурдан дууһадаг. Тиихэдэ эжы болохо боломжонууд үсөөрнэ. Харин үлэһэн үндэгэнүүд соо буруутаһан юумэ болохоор. Тиихэдэ хазагайрлагдаһан үрэ бии боложо магадгүй. 12-22 долоо хоног дээрэ хүгжэхэеэ болиһон үрэнүүд байдаг».
Тиихэдэ эртэ эжы болохо тухай Буряадай толгойлогшо өөрынгөө бодолтой хубаалсаа. «Бидэ мүнөө залуушуулда дуулганабди - эртэ түрэхэдэ ажамидарлда бэлэн байха, - тиигэжэ Алексей Цыденов хэлэжэ, түрүүшын үхибүүгээ гаргаха наһа тэмдэглэбэ. - Түрүүшын хүбүүгээ 23 наһа болотор гаргахада һайн. 21 болотор бүри һайн. Үшөө эртэшье һаань, хамаагүй. Түрүүшын үхибүүнһээ хойно хоердохинь удангүй гараха».
Буряадай толгойлогшо нэмэбэ: «Үхибүүн - аза жаргал. Жаргалые худалдажа абахаар бэшэ, ганса түрэхээр. Бултанда олон жаргал байг лэ ондо ондоо наһатай».
