Ниигэмэй хамгаалгын яаманай нэгэдэхи орлогшо, Мэдээсэлэй-аналитикын болон мүнгэн һангай хангалгын хорооной түрүүлэгшэ Анастасия Меринова, бусад хороонуудай болон “Ажаһуугшадта ниигэмэй туһа хүргэдэг түбэй” түлөөлэгшэд Ахын ажаһуугшадай асуудалнуудта харюусаха юм.
Ниигэмэй хамгаалгын яаманай түлөөлэгшэд үдэрэй 14.50 сагта аймагай захиргаанай конференц- танхимда олониитын эмхи зургаануудай хүтэлбэрилэгшэд болон түлөөлэгшэд, һомонуудай дарганартай уулзалга эмхидхэхэ. Энэ уулзалгын үедэ Аха аймагай Ниигэмэй хамгаалгын таһагай дарга Саяна Хайдакова “Ниигэмэй аюултай байдалда байһан гэр бүлэнүүдтэ һэргылэмжын ажал тухай” гэһэн элидхэл уншаха юм. Удаань Ниигэмэй хамгаалгын яаманай мэргэжэлтэд ажаһуугшадай хубиин асуудалнуудта харюу, зүбшэл үгэхэ юм. Тиихэдэ олон үхибүүдтэй Пётр Марзаевай болон Артур Торпинкеевэй гэр бүлэнүүдтэ тэдэнэр хүрэхэ.
Үхэригтэ оршодог хуулиин наһа гүйсөөгүй үхибүүдэй Ахын аймагай ниигэмэй-реабилитационно түбтэ “Ажаһуугшадта ниигэмэй туһа хүргэдэг түбэй” зүблөөн үнгэргэгдэхэ, түбэй хүмүүжэмэлнүүдтэй флеш-моб эмхидхэгдэхэ юм.
