«Спорт -норма жизни» гэһэн федеральна түсэлөөр, харин республиканска болон муниципальна санһаа мүнгэнэй туһаламжа гаргагдаа гэжэ Буряадай Засагай газарай олондо мэдээсэл тараадаг байгуулгануудтай харилсаха таһаг мэдүүлнэ.
16 метр үргэнтэй 30 метр утатай талмай хоер баскетболой хэрэгсэлтэй, футболой бартаатай, гүйхэ харайхада һайн онсо полимерна бүрхөөгтэй, өөрын хашаатай, гэрэлтэй болоно. Талмай һургуули, хүүгэдэй сэсэрлигтэ ойро болоно. Эндэ үдэр бүри баскетбол, футбол, волейболой бага тэмсээнүүд үнгэрхээр байна юм.
Энэ талмайн барилгада гүрэнэй «Спорт-норма жизни» гэһэн федеральна түсэлөөр гурбан сая түхэриг гаргагдаа юм. Республикын болон муниципальна мүнгэн – 413 мянга ба 320 мянган түхэриг һомологдоо.
2019 оной туршада республика соо үшөө 11 бэеын тамирай талмайнууд баригдаха: Хойто-Байгалай, Байгал шадарай, Бэшүүрэй, Муяын, Хэжэнгын, Хяагтын, Захааминай, Загарайн, Сэлэнгын аймагуудта. Теэд ГТО зэрэг тушааха эрилтэдэ таараха юһэн талмайнууд шэнээр неэгдэхэ болоно: Яруунын, Хориин, Тарбагатайн, Хэжэнгын, Мухаршэбэрэй, Сэлэнгын, Кабанскын, Бабантын, Хурамхаанай аймагууд соо.
