Ородой Холбоото Уласай Ажалай яаман эхын капиталые үргэлжэ үгэжэ байха, тиихэдээ хэмжээеньжэл бүри нэмэхэ тухай үүсхэл гаргана
Энээн тухай ажалай сайдай нэгэдэхи орлогшо Алексей Вовченко мэдүүлээ. Гүрэнэй иимэ туһаламжа ходо байха ёһотой. Тиихэдээ хэмжээниинь гурбан жэлэй туршада нэгэ хэбээрээ байха ушарые саашадаа хорихо хэрэгтэй гээд, яаманай мэргэжэлтэд бодоно. Ажалай сайд Максим Топилинай мэдүүлһээр, 2020 оной январиин 1-һээ эхын капиталай хэмжээн 470 мянга болохо юм.
Теэдшье энэ туһаламжа 2025 он хүрэтэр үргэлжэлүүлхэ тухай байгша оной эсэс болотор шиидхэбэри абтаха гээд, Федерациин Зүблэлые ударидагша Валентина Матвиенко дуулгаа бэлэй гээд һануулая.
Эхын капитал гүрэн дотор 2007 онһоо үгтэнэ. Россиин юрэнхылэгшын Владимир Путинай баталһан зарлигай ёһоор, 2021 он хүрэтэр хүсэндөө байха.
Мүнөө дэрээ эхын капиталай хэмжээн 453, 026 түхэриг хүрэнэ. Гэр байра худалдан абалгада, үхибүүдэй һуралсалда, эжын пенсидэ энэ туһаламжа хэрэглэжэ болоно. Иимэ капитал хоер үхибүүдһээ олон хүүгэдтэй гэр бүлэнүүд абаха аргатай байна. Арбан жэлэй туршада найман сая хүн мүнгэн туһаламжада хүртэһэн байна юм. Харин 2011 ондо капитал абаха эрхэтэй зоной мүнгэн нэмэгдэхэгүй юм.
Энээн тухай ажалай сайдай нэгэдэхи орлогшо Алексей Вовченко мэдүүлээ. Гүрэнэй иимэ туһаламжа ходо байха ёһотой. Тиихэдээ хэмжээниинь гурбан жэлэй туршада нэгэ хэбээрээ байха ушарые саашадаа хорихо хэрэгтэй гээд, яаманай мэргэжэлтэд бодоно. Ажалай сайд Максим Топилинай мэдүүлһээр, 2020 оной январиин 1-һээ эхын капиталай хэмжээн 470 мянга болохо юм.
Теэдшье энэ туһаламжа 2025 он хүрэтэр үргэлжэлүүлхэ тухай байгша оной эсэс болотор шиидхэбэри абтаха гээд, Федерациин Зүблэлые ударидагша Валентина Матвиенко дуулгаа бэлэй гээд һануулая.
Эхын капитал гүрэн дотор 2007 онһоо үгтэнэ. Россиин юрэнхылэгшын Владимир Путинай баталһан зарлигай ёһоор, 2021 он хүрэтэр хүсэндөө байха.
Мүнөө дэрээ эхын капиталай хэмжээн 453, 026 түхэриг хүрэнэ. Гэр байра худалдан абалгада, үхибүүдэй һуралсалда, эжын пенсидэ энэ туһаламжа хэрэглэжэ болоно. Иимэ капитал хоер үхибүүдһээ олон хүүгэдтэй гэр бүлэнүүд абаха аргатай байна. Арбан жэлэй туршада найман сая хүн мүнгэн туһаламжада хүртэһэн байна юм. Харин 2011 ондо капитал абаха эрхэтэй зоной мүнгэн нэмэгдэхэгүй юм.
