Түрүүшын шатада байгша оной августын 1-һээ Буряад уласта ажаһуудаг гэжэ бүридхэлдэ абтаһан зон газар абаха тухайгаа мэдүүлгэ бэшэхэ аргатай. Удаань 2020 оной февралиин 1-һээ Алас Дурнын тойрогой ажаһуугшад Буряад уласта газар абаха эрхэтэй. Гурбадахи шатада 2020 оной августын 1-һээ гүрэн түрымнай ажаһуугшад, тиихэдэ хилын саана ажаһуудаг, Ород гүрэнэй түлөөлэгшэд нютагаа бусаха дуратайшуулай Гүрэнэй программада хабаадагшад Буряадта газар абаха тухай мэдүүлгэ бэшэхэ аргатай.
Алас Дурнын гектарта хүртэхэ тухай мэдүүлгэ «НаДальнийВосток.РФ» гэһэн мэдээсэлэй федеральна системэдэ электронно аргаар оруулжа болоно. Тиихэдэ ажаһуугшад өөһэдөө мэдүүлгэ бэшэжэ гү, али почтоор тусхай эмхидэ дамжуулха аргатай. Хаана газар абаха дуратай байһанаа хүнүүд өөдөө шэлэхэ. «Алас Дурнын гектарай» «болохогүй» гэжэ бүридэлдэ ороһон газарнууд хубаарилагдахагүй, программада боро үнгөөр тэмдэглэгдэнхэй. Тодорхой мэдээсэл Буряад уласай Зөөриин болон газарай харилсаанай талаар яаманай сайтда абажа болоно.
«Алас Дурнын гектар» гэһэн программын асуудалнуудаар ажаһуугшад 8 800 200 3251 гэһэн утаһаар хандаха аргатай.
