Тэндэ заншалта аргаар буйлуулагдадаг мяханай зүйлнүүдһээ гадна, жэнхэни буряад эдеэн болохо эльгэ эреэлжэ, орёомог, хотоотой шуһа, хошхоног, далан, арбин, химэ гэхэ мэтэ зүйлнүүд гаргагдадаг болобо. Эдэ бүгэдэ «Зэдын мяхан» гэһэн нэрэ хүндэ доро худалдаа наймаанда табигдана.
Петропавловкын мяханай комбинат эбэртэ бодо малай, адууһанай, хониной мяха буйлуулан бэлдэдэг гээшэ. Энэ эмхи жэл бүри үмсынхидһөө, фермер түхэлэй болоод бүри ехэшье ажахынуудһаа 6000 толгой мал худалдан абажа болбосоруулна. Тиихэдээ жэлэй ямаршье хаһада үйлэдбэрилэн хүдэлхэ хүсэл бодолынь одоошье гүйсэд бэелжэ, олзо оршонь тогтонижороо.
Шэнэ цехэй нээгдэхэдэ хүргэһэн үүсэ мяха хэрэглэхэ арга бии болоо. Энээнһээ боложо үрдилдөөнэй энэ сагта хүсэ шадалтай болохо жэшээтэй. Мүн тиихэдэ шанар һайтай эдеэ хоол саг соогоо гаргагдана. Гүрэнэй заршамда тааруулагдаһаншье, өөрыншье мэргэжэлтэдэй зохёон шанагдаһан мяханай эдеэн зондо һайшаагдаа.
Улаан-Үдын най
маанай газарнуудта «Зэдын мяхан» гэһэн нэрэ хүндэтэй эдеэ хоол олониитын үзэмжэдэ элбэгээр дэлгээгдэнхэй.
