Буряад Уласай Толгойлогшо Алексей Цыденов Ородой Холбоото Уласай сайдай хүтэлбэрилэгшын ударидалга доро үнгэргэгдэһэн Онсо байдалай талаар Засагай газарай комиссиин суглаанда хабаадаба

Ородой Холбоото Уласай 72 можо нютагуудта түймэрэй аюултай хаһа дүүрэжэ, энэ суглаанда тэрэнэй дүнгүүд тухай хэлсэбэ. Буряад Уласта октябриин 4-дэ түймэрэй аюултай хаһа болюулагдаһан байна гэжэ һануулнабди.

Ородой Холбоото Уласай Онсо байдалай талаар яаманай авиаци түймэл унтараалгада, ой тайга шалгалгада үргэнөөр хэрэглэгдэһэниинь, түймэрэй аюулгүй байдал хангаха, түймэр түргэн дары унтаарааха уласай комиссиин эршэтэйгээр ажал ябуулһаниинь байгша ондо түймэрэй гараһан талмай, тэдэнэй тоо үсөөлхэ хэрэгтэ нүлөөлөө гэжэ Буряад Уласай Толгойлогшо Алексей Цыденовэй тэмдэглэбэ. Байгша ондо гараһан түймэрэй 60 хубинь түрүүшын үдэрнүүдтэ усадхагдаһан байна. Тиихэдэ ой тайга шалгажа ябаха бүлэгүүдые болон нютагуудай старостануудай институт байгуулагдаһаниинь аша үрэтэй байгаа.

«Ой тайга шалгаха бүлэгүүд, нютагай ударидагшад аймагуудай ниитэ нэгэ диспетчерскэ албануудтай суг хамта хүдэлжэ, шанартай, үрэ дүнтэй хүдэлмэри хэһэн байна. Тэдэнэр ажаһуугшадтай һэргылэмжын, түймэрэй аюулгүй бадал хангаха талаар ажал ябуулаа», - гэжэ Алексей Цыденов хэлэбэ.

Тиихэдэ хойто жэл ойн түймэрэй байдал аша үрэтэйгөөр адаглаха талаар ниидэлгын аппарадуудые хэрэглэхээр түсэблэгдэнэ гэжэ уласай хүтэлбэрилэгшэ тэмдэглэбэ. Үнгэрһэн долоон хоногто Алексей Цыденов Москва хотодо албанай хэрэгээр Ородой Холбоото Уласай Мүнгэн һангай сайдай орлогшо Андрей Ивановтой энэ асуудалаар зүбшэһэн байна.

Буряад Уласай Толгойлогшын болон Засагай газарай мэдээсэлэй албанһаа гэрэл зураг абтаба.