Тэрэнэй аргаар хотын харгынуудай заһабарилга түргэдэхэ ёһотой
Харгы заһабарилга шанартай, түргэн болохын тула эгээн муухай, эбдэрхэй харгынуудые заһажа үгыт гэжэ хотын захиргаан ажаһуугшадта хандана. Хотын харгынуудай заһабарилга түлэг дундаа. Зарим тээ асфальт дэльгээгдэжэ эхилээ. Тэрэнэй хажуугаар нүхэнүүдые бүглэлгын ажал ябуулагдана. 4 мянган дүрбэлжэн метр асфальтаар хушагдаа.
- Хотын бюджедһээ нэмэлтэ 11 миллон түхэриг үгэгдээ, саарһа гуурһанай ажал дүүрэхэ тээшээ болобо. Тиигэжэ тэрэ мүнгэнэй ашаар 15 мянган дүрбэлжэн метр талмай заһабарилагдаха юм, - гээд хотын харгы заһабарилгын управлениин дарга Евгений Соболев тэмдэглээ.
Хотын захиргаанайхид ажаһуугшадые бэрхэшээлтэ харгынуудые заажа үгыт гэжэ һурана. Тиихын тула «Эдэбхитэй хотын ажаһуугша» гэһэн электронно хуудаһан дээрэ орожо, хаана, ямар гудамжаар харгынууд заһабарилагдахаар бэ гэжэ дуулгаха хэрэгтэй. Түсэб соо үгы байгаа һаань, харгын ажалшад түргэн ерэжэ, тэрэ нүхэнүүдые заһарабарилха юм хаш. Харгын ажалнууд октябриин 1 болотор дүүргэгдэхэ ёһотой гээд хотын мэдээсэлэй албан дуулгана.
Гар утаһанда «Эдэбхитэй хотын ажаһуугша» гэһэн приложени бии болоо
Общество,
Фото:
Уважаемые читатели, все комментарии можно оставлять в социальных сетях, сделав репост публикации на личные страницы. Сбор и хранение персональных данных на данном сайте не осуществляется.