Буряад Уласай Толгойлогшын уялгануудые дүүргэгшэ Алексей Цыденов Аха аймагай залуушуул болон тамиршадтай уулзалгын үедэ Өөрлиг һууринда стадион бариха хэрэгтэй гэжэ хэлэбэ
Өөрлиг һууринда стадион бариха тухай хэлсэжэ, дурадхалнуудые оруулха гэһэн даабари Буряад Уласай Спортын болон залуушуулай бодолгын талаар яаманда даалгаба. Тамирай байшануудые бариха программада мэдүүлгэнүүд оруулагдаһаар гэжэ Спортын болон залуушуулай бодолгын талаар сайдай уялгануудые дүүргэгшэ Баир Ангуров хэлэбэ. Аймагай захиргаан стадион бариха газар элирүүлжэ, гүрэнэй мэргэжэлтэ шүүбэришэдэй баталалга гараһан, барилга хэхэ гаргашын данса бэлдэхэ болобо.
Аха аймагай засаг дарга Матвей Мадасовай хэлэһэнэй ёһоор, нютагай засагай байгууламжын бюджедтэ стадионой баригдаха газар элирүүлжэ, барилга хэхэ гаргашын данса бэлдэхэ хэрэгтэ 500 мянган түхэриг хараалагданхай. Тиихэдээ Ивалга аймагта стадионой барилгада хэрэглэгдэһэн дансануудта адляар, Аха аймагта тэрэнь бэлдэгдэхэ юм.
Энээнһээ урид, Буряад Уласай Толгойлогшын уялгануудые дүүргэгшэ Алексей Цыденовтэ һоёд арадуудай заншалта тамирай наадануудые харуулһан байна. Тэрэнэй һүүлээр, Алексей Цыденов Өөрлиг һууринай соёлой-сүлөө сагай түбтэ Аха аймагай ажаһуугшадтай уулзаба. Холо оршодог аймагай хүн зонтой асуудал-харюу гэһэн маягаар уулзалгаяа үнгэргэхэ гэжэ Алексей Самбуевич дурадхаба. Буряад Уласай Толгойлогшын уялгануудые дүүргэгшэ Алексей Цыденовтэ нютагай засагай байгууламжын шухала асуудалнуудые шиидхэлгэдэ туһа хүргыт гэжэ Аха аймагай ажаһуугшад хандана.
Өөрлиг һууринда стадион бариха тухай хэлсэжэ, дурадхалнуудые оруулха гэһэн даабари Буряад Уласай Спортын болон залуушуулай бодолгын талаар яаманда даалгаба. Тамирай байшануудые бариха программада мэдүүлгэнүүд оруулагдаһаар гэжэ Спортын болон залуушуулай бодолгын талаар сайдай уялгануудые дүүргэгшэ Баир Ангуров хэлэбэ. Аймагай захиргаан стадион бариха газар элирүүлжэ, гүрэнэй мэргэжэлтэ шүүбэришэдэй баталалга гараһан, барилга хэхэ гаргашын данса бэлдэхэ болобо.
Аха аймагай засаг дарга Матвей Мадасовай хэлэһэнэй ёһоор, нютагай засагай байгууламжын бюджедтэ стадионой баригдаха газар элирүүлжэ, барилга хэхэ гаргашын данса бэлдэхэ хэрэгтэ 500 мянган түхэриг хараалагданхай. Тиихэдээ Ивалга аймагта стадионой барилгада хэрэглэгдэһэн дансануудта адляар, Аха аймагта тэрэнь бэлдэгдэхэ юм.
Энээнһээ урид, Буряад Уласай Толгойлогшын уялгануудые дүүргэгшэ Алексей Цыденовтэ һоёд арадуудай заншалта тамирай наадануудые харуулһан байна. Тэрэнэй һүүлээр, Алексей Цыденов Өөрлиг һууринай соёлой-сүлөө сагай түбтэ Аха аймагай ажаһуугшадтай уулзаба. Холо оршодог аймагай хүн зонтой асуудал-харюу гэһэн маягаар уулзалгаяа үнгэргэхэ гэжэ Алексей Самбуевич дурадхаба. Буряад Уласай Толгойлогшын уялгануудые дүүргэгшэ Алексей Цыденовтэ нютагай засагай байгууламжын шухала асуудалнуудые шиидхэлгэдэ туһа хүргыт гэжэ Аха аймагай ажаһуугшад хандана.
