Буряад Уласай Тээбэриин хүгжэлтын, элшэ хүсэнэй ба харгын ажахын яаманай сайд Сергей Козловайш хаягаар баярай тэмдэг ороһон байна.
Ородой Холбооной Уласай юрэнхы сайдай баталан хамгаалха үйлэдбэриие залан хүтэлхэ талаар орлогшо Дмитрий Рогозинай хүтэлбэри доро Байгалай долоон хоногой хэмжээндэ үнгэрһэн Уһан далайн зүблэлэй суглаан август һарада болоо һэн. Уһанай замай мүнөө үеын байдал ба саашанхи хараа бодол тухай, мүн баһа хариин эд бүтээл һэлгэхэ боломжонууд тухай асуудалнууд зүбшэн хэлсэгдээ бэлэй.
Дмитрий Рогозин зүблөөн дээрэ бусад һанамжануудай дунда «Россиин Уһан далайн зүблэл Буряад Уласай Толгойлогшын уһанай тээбэри хүгжөөхэ һэдэлгэнүүдые дэмжэхэ ёһотой. Тиигэбэл хамаг үйлэдбэриин хүгжэлтэдэ горитой туһа нэмэри болохо» гэжэ тэмдэглээ. Тэрэ суглаанай дүнгѳѳр, Улаан-Үдын авиационно болон прибор бүтээлгын заводуудые хариин эд түхеэрэлгэнүүдые хэрэглэмжэһээ гаргажа, тэрээнһээ дулдыдахаяа болихо тухай программаяа бодото дээрэнь бэелүүлхэ хэрэгтэнь гүрэнэй талаһаа дэмжэжэ байха тухай шиидхэбэри абтаа һэн.
