Жэшээлхэдэ, 2009 ондо үүлтэртэ мал үдхэдэг Буряадтахи 32 ажахынуудта малайнгаа тоо олошоруулхыень федеральна һан жасаһаа 85 сая (миллион) 400 мянган түхэриг, 2010 ондо 33 ажахыда – 78 сая түхэриг, 2011 ондо 34 ажахыда – 76 сая түхэриг үгтөө һэн. Тиихэдэ 2013 ондо Россиин Федерациин бүхы можо хизаарнуудта 72,3 тэрбүм (миллиард) түхэриг, 2014 ондо – 57,6 тэрбүм түхэриг мал ажахыда болон болбосоруулгын үйлэдбэринүүдтэ шэглүүлэгдээ һэн. Энэ 2020 он болотор үргэлжэлүүлэгдэхэ.
Мүн баһа мал үдхэхэ ажахынуудта малай байрануудые шэнэлхын болон шэнээр байрануудые барихын тулада 2013 ондо 4,9 тэрбүм түхэриг, 2014 ондо – 6, 7 тэрбүм мүнгэн шэглүүлэгдээ. Энэ баһал 2020 он болотор үргэлжэлхэ юм. Буряадтамнай республикаһаа гадуур мяханай үүлтэртэ эбэртэ бодо мал худалдажа абаһанай 90 процентыень харюулха. Мүн баһа мал үүсэлхэ болон мяхаяа саашадань болбосоруулха болон малай хоол бэлдэлгын хэрэгтэ оньһожоруулагдамал хэрэгсэл, тусхай техникэ худалдан абалгада субсиди үгтэхэ.
Теэд лэ мүнөө сагай дулаанда тааруухан малнуудаа бултыень тушаажархихаар малшаднай эрмэлзэжэ байна гэһэн сошордомо мэдээн баһа дуулдана.
